Prurjet e larta të lumit Fan dhe Mat kanë dëmtuar edhe më shumë Urën e Zogut . Struktura e urës , e dëmtuar por lënë në harresë nga instutucionet përgjegjëse pësoi dëmtime të mëtejshmë jo vetëm në këmbët e saj por edhe në pjesën e harqeve.
Reshjet e shumta të shiut mbrëmjen e kaluar, rrezikojnë çarjen e argjinatures dhe pērmbytjen e disa hektarëve toke në zonën e Lezhës.
Kujtojme që në vitin 1927 përfundoi ndërtimi i urës me harqe ose siç njihet ndryshe Ura e Zogut, sepse kjo urë u ndërtua me urdhër të mbretit Zog për t’u lidhur me Shqipërinë e sipërme, me Shkodrën, Lezhën, dhe vende të tjera.
Kjo vepër në atë kohë u konsiderua si një vepër monumetale, dhe një nga urat më të veçanta të Ballkanit por si çdo monument tjetër kulture në Shqipëri , sot ēshtë lënë në mëshirë të fatit .