Agjencia e motit të OKB-së lëshoi një apel urgjent të martën për qeveritë kudo që të kalojnë në forma më të pastra të energjisë, si energjia diellore, era dhe hidro-elektrike.
Në raportin e saj të ri, Organizata Botërore Meteorologjike (WMO) tha se për të kufizuar rritjen e temperaturës globale e cila po dëmton sigurinë e energjisë, energjia elektrike e përfituar nga burimet e energjisë së pastër duhet të dyfishohet gjatë tetë viteve të ardhshme.
“Neto zero deri në vitin 2050 është synimi. Por ne do të arrijmë atje vetëm nëse dyfishojmë furnizimin me energji elektrike me emetim të ulët brenda tetë viteve të ardhshme”.
Me sektorin e energjisë përgjegjës për rreth 75 për qind të emetimeve globale të gazeve serrë, shefi i WMO, Petteri Taalas tha se kalimi në gjenerimin e energjisë më të pastër dhe përmirësimin e efikasitetit të energjisë – është “jetike nëse duam të lulëzojmë në shekullin e 21-të”.