Ka shkuar në 14, numri i viktimave nga shpërthimi në një minierë në veri të Turqisë. Ndërsa 21 të tjerë kanë mbetur të plagosur.
Në informacionet e para rreth ngjarjes, flitej për rreth 50 të bllokuar brenda në thellësi të minierës.
Përpara se të ndodhte shpërthimi në minierë gjendeshin 87 punëtorë. Nga këta, 14 u shpëtuan menjeherë pasi ndodhi insidenti.
Nga pamjet e transmetuara në kanalet televizive turke, të afërmit e minatorëve shikojnë përpjekjet e shpëtimtarëve.
Disa punëtorë u nxorën dhe u dërguan me barela në ambulanca. Sipas guvernatorit të provincës, tetë nga puntorët arritën të dilnin vetë nga galeritë.