Kanye West pretendoi se dikur “kapi” ish-gruan e tij, Kim Kardashian, me lojtarin e NBA Chris Paul në një koment në Twitter të enjten mbrëma.
Reperi, llogaria e të cilit është pezulluar që atëherë për shkak të gjuhës antisemite, shkroi se donte të “thyente një dritare të fundit” përpara se të largohej nga aplikacioni i mediave sociale.
“Para se të dalim nga këtu, e kam kapur këtë djalë me Kim”, pohoi fituesi i Grammy, 45 vjeç. “Naten e mire.”
Tweet-i i West përfshinte një foto të Paul, i cili është i martuar me Jada Crawley që nga viti 2011.
Nga ana tjetër Kim Kardashian, u martua me West në 2014 dhe bëri kërkesë për divorc nga krijuesi i Yeezy në shkurt 2021.
Ylli i realitetit, 42 vjeç, u shpall ligjërisht beqare në mars të vitit të ardhshëm dhe divorci i ish-çiftit u zgjidh të hënën.
Kardashian dhe Paul, nuk kanë reaguar ende ndaj pretendimeve të West ndërkohë që në Twitter, ndjekësit e Kanye kanë shpërthyer në komente: disa e kanë mbështetur dhe të tjerë e kanë cilësuar si të “keq” dhe “budalla”.