Ditën e sotme Presidenti Begaj ka pritur anëtarët e Akademisë së Shkencave, përfaqësues të akademive nga vendet e rajonit dhe Evropës, si dhe bashkëpunëtorë të Akademisë. Kjo ka ndodhur me rastin e 50-vjetorit të themelimit të Akademisë së Shkencave.
“Gjatë pesë dekadave të fundit, Akademia e Shkencave u kthye në një qendër të mendimit shkencor elitar si dhe avancimit të kërkimit shkencor në vend”, thuhet në njoftimin e presidencës.
Hapja e Akademisë ndaj institucioneve kërkimore kombëtare dhe ndërkombëtare, ndaj universiteteve, instituteve e qendrave kërkimore, ndaj organizatave shkencore ndërkombëtare janë të nevojshme sipas Presidentit Begaj.