Presidenti i Serbisë Aleksandar Vuçiç tha të enjtën se vendi i tij ndodhet nën presion të madh nga fuqitë perëndimore për arritjen e një marrveshjeje me Kosovën dhe gjithashtu në vendosjen e sanksioneve për Moskën .
“Asgjë nuk duhet të hidhet poshtë paraprakisht, por me sa shoh, gjithçka është e vështirë për Serbinë dhe nëse duhet të them qartë në këtë moment – nuk na kanë dhënë asnjë shans”, tha ai, duke iu referuar diskutimeve për nismën franko-gjermane të mbështetur nga Shtetet e Bashkuara për një marrëveshje Kosovë-Serbi, por pa njohje të ndërsjellë.
Ai tha se Serbisë në shkëmbim i ofrohet ardhmëria evropiane “por çështja është sa do të jetë përulëse për Serbinë zgjidhja e çështjes së Kosovës”
Të enjten, Vuçiç, u takua me të dërguarin amerikan për Ballkanin Perëndimor Gabriel Escobar, i cili një ditë më parë në Prishtinë tha se Shtetet e Bashkuara e mbështesin nismën franko-gjermane, dhe që marrëveshja është çështje javësh, ndërsa të premten ai do të takohet me ambasadorët e vendeve kryesore perëndimore për të diskutuar rreth propozimeve të fundit për një marrëveshje.
Mes akuzave ndaj vendeve e NATO-së për krijimin e një ushtrie serioze të Kosovës në kundërshtim me kartën e Kombeve të Bashkuara dhe Rezolutën 1244 presidenti serb tha se vendi i tij do të bëjë të pamundurën për ruajtjen e paqes.
Nga ana tjetër Serbia refuzuar t’u bashkohet sanksioneve perëndimore kundër Rusisë. Aleksandar Vuçiç tha se nuk do ta bëj një gjë të tillë derisa Serbia nuk përballet me rrezik ekzistencial.