Vetëm pak ditë më parë Ermal Mamaqi ka nxjerrë në treg librin e tij të parë të titulluar: “Në garë me veten”.
Ndër reagimet e shumta në rrjet, një komentues i ka shkruar se do ta blinte gjithë librin e tij dhe do ta djegë që të mos degjenerohen brezat.
Gjithsesi nuk ka munguar reagimi i Ermalit, i cili i është pergjigjur atij dhe shumë të tjerëve në lidhje me komentet e bëra pas nxjerrjes në treg të librit të tij .
Ermali madje i ka bërë post disa nga komentet më pikante që komentuesit kanë bërë në drejtim të tij. Ai u shpreh se në libër ka renditur ngjarje dhe episode që e kanë formësuar atë në atë që është dhe çfarë është.
Reagimi i Ermalit në post:
Lexoj disa prej komenteve në rrjet dhe më vjen keq që konstatoj se mentaliteti i shoqërisë sonë ka ndryshuar pak ndër vite. E njëjta gjë ndodh me çdo projekt timin. I njëjti proces, tashmë i parashikueshëm. Ulem, punoj, bëj plot pasion dhe dëshirë projektin që dua të realizoj. Më tej, vjen një valë e madhe kundërshtish, paragjykimesh, sulmesh nga njerëz që dinë fare pak për mua. Vetëm atë që kanë parë në ekran. Por edhe atë në shumë raste mund ta keni keqkuptuar.