Donald Tump lejohet të ribashkohet në Twitter, ka njoftuar Elon Musk bazuar në rezultatet e sondazhit të tij personal në Twitter. Llogaria @realDonaldTrump dhe postimet e saj në Twitter janë plotësisht të dukshme përsëri, vetëm disa ditë pasi Trump konfirmoi se do të kandidojë përsëri për president në 2024.
Menjëherë pasi mori kontrollin e rrjetit social, Musk tha se nuk do të rivendoste asnjë llogari të ndaluar derisa kompania të kishte krijuar dhe mbledhur një këshill për moderimin e përmbajtjes me “pikëpamje shumë të ndryshme”.
Në vend të kësaj, të premten në mbrëmje, ndërsa njerëzit u larguan për fundjavën para Falënderimeve, ai vendosi të anketojë ndjekësit e tij në Twitter. “Rivendosni ish-Presidentin Trump”, shkroi ai në Twitter, krahas një sondazhi me butona për të zgjedhur “Po” ose “Jo”.
“Vox Populi, Vox Dei”, shtoi ai në një postim vijues në Twitter, latinisht për “zëri i popullit është zëri i Zotit”.
Ish-presidenti Trump u perjashtua nga Twitter më 8 janar 2021, “për shkak të rrezikut të nxitjes së mëtejshme të dhunës” pas rolit të Trump në nxitjen e sulmeve të 6 janarit në Kapitol. Twitter tha në atë kohë se mesazhet e Trump thyen rregullat e tij kundër glorifikimit të dhunës.