Njerëzit mund të jetojnë në Hënë gjatë kësaj dekade, sipas një zyrtari të NASA-s.
“Sigurisht, në këtë dekadë, ne do të kemi njerëz që jetojnë për një kohë të gjatë, në varësi të asaj se sa gjatë do të jemi në sipërfaqe”– Howard Hu, një zyrtar i NASA-s, i tha Laura Kuenssberg të BBC-së të dielën.
Hu kurseu detajet, por kishte disa ide rreth asaj se per çfarë mund të përgatitej brezi i ardhshëm i turistëve të hënës.
“Ne do të dërgojmë njerëz në sipërfaqe, dhe ata do të jetojnë në atë sipërfaqe dhe do të bëjnë shkencë,” shtoi ai.
Javën e kaluar, NASA lëshoi një raketë të quajtur Artemis 1 nga qendra e saj hapësinore në Florida, duke mbajtur një anije kozmike Orion pa ekuipazh. Nëse misioni është i suksesshëm, lëshimi i ardhshëm i Artemis do të ketë anëtarë të ekuipazhit në anijen kozmike Orion, dhe një e treta që do të ishte zbarkimi i parë në Hënë që nga Apollo 17 në 1972.
“Është hapi i parë që po bëjmë për eksplorimin afatgjatë të hapësirës së thellë, jo vetëm për Shtetet e Bashkuara, por edhe për botën. Mendoj se kjo është një ditë historike për NASA-n, por është gjithashtu një ditë historike për të gjithë njerëzit që e duan fluturimin njerëzor në hapësirë dhe eksplorimin e thellë të hapësirës”, tha ai.
Dhe çfarë ndodh pas hënës? Planeti i kuq është i radhës.
“Ecja përpara është me të vërtetë drejt Marsit,” tha Hu. “Ky është një hap më i madh, një udhëtim dyvjeçar, kështu që do të jetë vërtet e rëndësishme të mësojmë përtej orbitës sonë të Tokës.”