Pronari i faqes së modës së shpejtë Shein është gjobitur 1.9 milion dollarë (1.69 milion £) për trajtimin e shkeljes së të dhënave.
Detajet hyrese për 39 milionë llogari të Shein u vodhën në vitin 2018 pasi kompania e saj mëmë, Zoetop, u vu në shënjestër të hakerëve.
Prokurorja e Përgjithshme e Nju Jorkut, Letitia James tha se Zoetop kishte gënjyer për shtrirjen e shkeljes dhe kishte njoftuar “vetëm një pjesë” të klientëve të prekur.
Shein thotë se ka ndërmarrë “hapa të rëndësishëm” për të përmirësuar sigurinë e saj kibernetike.
Emrat, adresat e emailit, fjalëkalimet dhe informacionet e kartave të kreditit që u përkisnin dhjetëra miliona mbajtësve të llogarisë Shein u vodhën nga hakerat dhe u shitën në internet.
Shtatë milionë mbajtës të tjerë të llogarive të Romwe, një faqe tjetër e modës së shpejtë në pronësi të Zoetop, u kapën në shkeljen e vitit 2018.
Romwe dhe Shein janë bërë destinacione të njohura të tregtisë elektronike për blerësit e gruomoshave të reja , që kërkojnë artikuj e fundit të modës me çmime të ulëta.